தோழர் மகாராஜா சண்முக சுந்தரத்தின் கதை இயக்கத்தில்"குறு வட்டம் இல்லை வாழ்க்கை.. அது விசாலமான அழகு" என்பதை மைய்யப் படுத்தி உருவாக்கப்பட்டுள்ள ஒரு குறும்படம்...
படத்தின் தொடக்கத்தில் இருந்து இறுதி வரை தாஜ் நூரின் மெல்லிய இசை தூறலாய் தொடர்ந்து பயணித்து உள்ளது எளிமை அழகு... கார்த்திக் பழனிச்சாமி மற்றும் தாஸ் அருள்சாமியின் ஒளிப்பதிவு துல்லிய பார்வையோடு தெளிவான அமைப்பு அழகு... கதையின் பயணம் மூன்று பேரை மட்டும் தாங்கி முதலில் முதியவரின் ஓவியம் மற்றும் புத்த சிலையுடன் ஆரம்பிக்கிறது... இரண்டாவதாக முதியவரின் பொறுப்பில்லா பையனுடனான உரையாடலோடு தொடர்கிறது. மூன்றவாதாக ஒரு சிறு அகதிப்பெண்ணுடன் தொடர்ந்து, கடைசியில் அந்த பையனுக்கு அமைதியின் சாராம்சம் விளங்கியதாய் படம் முடிவடைகிறது. 13 நிமிடங்களில் முடிவடையும் இந்த குறும்படத்தில் சில இன்னும் சில வசனங்கள் சேர்த்திருக்கலாம். முடிவானது கொஞ்சம் விளக்கமாய் அளிக்கப் பட்டிருக்கலாம். முயற்சிக்கு வாழ்த்துக்கள் தோழர் மகாராஜா சண்முக சுந்தரம்.
No comments:
Post a Comment